ညီမလေးရဲ့.. ကိုယ်ဟာ
အချိန်မတိုင်ခင်
ရင့်မှည့်လိုက်ရသူ...

တစ်စုံတစ်ရာအတွက်
စတေးထားရင်း
မျှော်လင့်ချက်တွေ
အမှောင်ထုထဲ ကျကွဲ
အထီးကျန်ခြင်းသာ
ကိုယ့်ဘ၀ဖြစ်တယ်..။

အမှောင်ခန်းထဲက
တိတ်ဆိတ်နေတဲ့စားပွဲလေးမှာထိုင်
ဆိတ်ငြိမ်စီးမျောခြင်းတွေသာ
ကိုယ့်အဖော်မွန်ဖြစ်တယ်။

ချစ်ခြင်း၊ မုန်းခြင်း၊ နာကျင်ခြင်း
ဝေဒနာအားလုံးနဲ့ကင်းပြတ်
မခံစားတတ်တဲ့ကိုယ် ဖြစ်လိုတယ်။

-ဖိုးစည်

ဝမ်းနည်းချိန်

- ရုပ်ဝတ္ထုပစ္စည်းတွေနောက်လိုက်ရင်း

ရုပ်ဝါဒီတွေဖြစ်

မျက်နှာဖုံးစွပ်တွေနဲ့ပြုံးရင်း

ခံစားချက်တွေမဲ့လာ

ရယ်သံတွေခြောက်ကပ်လာ

အချိန်တွေ အကုန်မြန်လာ

အိပ်ယာနိုးချိန်က မနက်ဖြစ်ရင်း

နရီတွေမညီ

စည်းဝါးတွေ မကိုက်တော့ဘူး..။

- လက်ဖျစ်တစ်တွတ်အတွင်း

ကုဋေတစ်သိန်းပုံတစ်ပုံလေးမှာ

ချစ်ရသူတွေကို သတိရလာချိန်

အထီးကျန်ရကောင်းမှန်း

ဝမ်းနည်းရကောင်းမှန်းသိလာ..။

- ကမ္ဘာတစ်ခြမ်းက

လိပ်ပြာတောင်ပံခတ်သံကိုမျှော်

ကာလယန္တရားကြီးကိုမျှော်ရင်း

ကုန်သွားတဲ့အချိန်တွေအတွက်

တသနှမြောစိတ်က

ဖြေရင်းနဲ့မပြေတော့ဘူး..။

စည်သူ

အတ္တလက်စ်ရဲ့ညည်းချင်း

ညီမလေးရဲ့..
ကိုယ်ဟာ..
အချိန်မတိုင်ခင်
ရင့်မှည့်လိုက်ရသူ


မမျှော်လင့်ဘဲ
ကိုယ်ဝန်ဆောင်လိုက်ရတဲ့
အပျိုစင်တစ်ယောက်..


ဇာတ်တော်ထဲကလို
ဆူးခက်ကို ပန်းနွယ်အမှတ်နဲ့
ကိုယ့်ဟာကိုယ်ယူဆောင်းလိုက်တဲ့
လူမိုက်တစ်ယောက်..


ခုတော့.. ညီမလေးရယ်..
ကိုယ့်မှာ..
ညတိုင်းကြယ်တွေကြွေတယ်..


နမိတ်ပုံတွေ.. ညတိုင်း
ရင်ဘတ်ထဲကို တိုးတိုးဝင်
ဘ၀အဓိပ္ပာယ်ဆိုတာကို
လျှာပေါ်က ခါးသက်သက်နဲ့
ရောရောမျိုချ..


မရည်ရွယ်ခဲ့ပါဘူး..
ဒါပေမယ့်..
အစွယ်ထွက်လာမှ
ဘီလူးဘ၀ကို
လက်ခံလိုက်ရသူ..။


မခံစားနိုင်လည်း
အရှိကိုအရှိအတိုင်းလက်ခံ
ခံစားချက်တွေကို
ရေထဲမှာပဲ ဖောက်ခွဲ..။


နောက်ဆုံး
ပုခုံးပေါ်မှာ
တစောင်းတင်ထားတဲ့
ကမ္ဘာမြေကြီးကို
ဟောသလို.. အစိတ်စိတ်အမွှာမွှာ
ကိုင်ပေါက်.. ပစ်ခွဲ.. လိုက်..ချင်..ပါ..ပြီ..ကွယ်…။

စည်သူ
၁၅-၂-၂၀၁၅

ဇန်န၀ါရီအိပ်မက်

နူးညံ့ပါရစေ..
တစ်ခါတစ်လေတောင်မှ
ကိုယ့်အရိပ်ကိုယ်
ယောင်ယမ်းပြန်နင်းသူ
မဖြစ်လိုဘူး..။

ပစ္စက္ခမှာ..
ရောထွေးနေတဲ့
နိမိတ်ပုံတွေဆွဲယူ
အရိပ်ကန့်လန့်ကာမည်းတွေဆွဲချ
နစ်မွန်းနေသူဟာ
ကိုယ်ဖြစ်တော့တယ်..။

ဇာတ်မပေါင်းခင်
ခြောက်အိပ်မက်တွေနဲ့
အလန့်တကြားနိုးရ
တစ်ခါတစ်လေများ..
ကိုယ်တောင်မဖြစ်ချင်တော့တဲ့
ကိုယ်ပါကွယ်..။

ဘီလူးနှိမ်နင်းသူက
ဘီလူးဖြစ်..
အာဏာရှင်ဆန့်ကျင်သူက
အာဏာရှင်ပြန်ဖြစ်..
ကိုယ်လည်း
အစွန်းရောက်တွေကိုမုန်းရင်း
အစွန်းရောက်ဖြစ်..
အိပ်ယာဝင်ချိန်ကို
အရုဏ်ဦးလို့မှတ်ထင်
အဲဒါ..
ကိုယ့်ရဲ့ဘ၀ပါကွယ်..။

ထပ်တလဲလဲအမှားတွေက
အမှန်တွေဖြစ်..
တရားသောဓားမှာ
မျက်ရည်သွေးတွေပေစွန်း
အမိဝမ်းမကျွတ်ခင်ကတည်းက
စတေးခံရ
ပွင့်ငုံစမှာ ပွင့်ဖတ်ချွေခံရ..
သားသတ်သမားစကားက
တရားဖြစ်လာ..

နောက်ဆုံး.. ကိုယ်ဟာ
မိုးခါးရေသောက်သူတွေ
ကင်ပွန်းတပ်ကြတဲ့
အရူးတစ်ယောက်ပါပဲကွယ်..။

စည်သူ
၁၀-၁-၂၀၁၅

ပယင်းရောင်ကိုက်ခဲခြင်း

--

စနေနေ့ညရဲ့
ပယင်းရောင်ကိုက်ခဲမှုထဲ
ငါ...
မြစ်တစ်စင်းနဲ့အတူမျောပါခဲ့..။

လူသားသိပ်ဆန်လွန်းသွားခဲ့သလား..
အရိပ်တွေဝိုးတ၀ါး
အချိန်မသိ..
နာရီမရှိ..
ကာရံမငြိတဲ့အသံတွေ..
ဟိုး.. ရင်ဘတ်
အနက်ရှိုင်းဆုံးထဲ
(အခုထိ) ရိုက်ခတ်နေတုန်း..။

တရှိုက်မက်မက်
ရင်ထဲမှာလှိုက်ခနဲ
ငါ.. ခံစားလိုက်ရသလား.
အဖြေတစ်ခု ဆုပ်ကိုင်ဖို့ကြိုးစားရင်း..
တစ်ခါတစ်လေ
မသိစိတ်နဲ့သိလိုက်ရ
တစ်ခါတစ်လေ
နှလုံးသားနဲ့ခံစားလိုက်ရ..။

သွားတွေတင်းတင်းစေ့ပြီး
ခပ်လေးလေး
ရေရွတ်လိုက်တဲ့ စကားသံတစ်ချို့
ဒါ.. ဘ၀ပဲတဲ့..။

ကဲ..
အစိမ်းရောင်လေးရေ..
ဖန်တရာထေနေတဲ့
စကားလေးတစ်ချို့ပဲပြန်ပြောပါ..။

နှလုံးသားဗလာနဲ့
အိမ်ပြန်မယ့်ကောင်အတွက်
အိပ်မက်တစ်ချို့
တစ်ညတာ လှသွားဖို့ပါ..။

စည်သူ

၂၉.၁၁.၂၀၁၄

• ခေးအော့သီဝရီ •

- နင်က..
မျက်တောင်လေးတစ်ချက် ခတ်လိုက်ရုံပါ
ငါ့မှာတော့ ကမ္ဘာပျက်သွားတယ်..။

ခေးအော့သီဝရီဆန်ဆန်
တန်ပြန်သက်ရောက်မှုပြင်းလွန်း
နူးညံ့စွာရက်စက်လွန်းသူ
မျက်ဝန်းတောင်ပံတစ်ချက်
မြန်မြန်ခတ်လိုက်စမ်းပါ ..

အချိန်ယန္တရားနဲ့အတူ
ဒီကာလကြီးက
လွန်မြောက်သွားရအောင်..။

စည်သူ

၁၁၊ ၂၊ ၁၄

ငိုနေတဲ့ဘီလူး

မင်းကောင်းဖို့
ငါဆိုးပေးပါ့မယ်..
ဒီဇာတ်မှာ ငါကဗီလိန်။

မင်းကိုသနားကြ..
မင်းကိုချစ်ကြ..
မင်းအတွက် လက်ခုပ်တွေတီးကြ..

ငါက..
စင်ထောင့်က အမှောင်ထဲမှာပါ..
ငါငိုနေတယ်၊
ဘီလူးမျက်နှာဖုံးနောက်က
ငါ့မျက်ရည်..
ဘယ်သူသနားမှာလဲ..

ငါ့တစ်သက်လုံး
မမေ့နိုင်တော့မယ့်
ဒီအကြည့်တွေ၊
ဒီအပြောတွေနဲ့
ငါ့နှလုံးသားကို
ဝိုင်းပြီးနင်းချေကြ..

ဇာတ်သိမ်းလို့ မင်းမသတ်ခင်က
ငါသေခဲ့ပြီးသားပါ..။

ငိုမနေပါနဲ့..
အဲဒီမျက်ရည်တွေ
ဓားဦးချွန်ချွန်နဲ့ထိုးသလို
ငါ့ရင်ဘတ်မှာနာတယ်..။

နောက်ဆုံး..
ဘီလူးတစ်ကောင်အတွက်
လက်ခုပ်သံမရှိဘူးဆိုတာ
ကိုယ်တိုင်သိလိုက်ရ၊

တစ်ချိန်တည်းမှာပဲ
သင်းတို့လက်ချက်နဲ့
ငါ့နှလုံးသားခမျာ
သွေးစိမ်းရှင်ရှင်တွေစီးကျလို့ ..။

စည်သူ
၁၀၊ ၁၊ ၂၀၁၄

see my facebook ◄ https://www.facebook.com/bohemiansithu►