ပေါင်မုန့်တစ်လုံးလောက်ဝယ်ပေးပါ

ပထမဦးဆုံးပစ်တဲ့ ကျည်ဆံ…
ကိုယ်ချင်းစာတရားကိုမှန်တယ်။
ကိုယ်ချင်းစာတရား ကျဆုံးခြင်းဟာ
နိုင်ငံတော် ဈာပနပဲ…။

ကဲ…အလံတစ်ဝက် လွှင့်ထူကြ…
ကမ္ဘာမကြေသီချင်းကို ဆိုတဲ့အခါ
ငိုသံပါနေရတာလောက်
ဝမ်းနည်းစရာကောင်းတာမရှိဘူးလေ…။
ဘယ်သူနိုင်နိုင်… ဘယ်သူရှုံးရှုံး
နောက်ဆုံးမှာ
အမုန်းတရားကပဲ သိမ်းပိုက်…
မိဘမဲ့သွားတဲ့ ကလေးငယ်တွေကို
လောကထဲ မောင်းထုတ်လိုက်ကြတယ်…။
အို…သွေးဆာသူတို့
ရက်စက်ကြမ်းကြုတ်သူအပေါင်းတို့…။
အပြစ်မဲ့ပြည်သူတွေရဲ့သွေးနဲ့ ဘိသိက်မြှောက်
သူသတ်ကုန်းမှာ ဆောက်တဲ့ နန်းတော်ဆီ
ငါတို့ ဘယ်တော့မှ လက်အုပ်မချီဘူး…။ 

 “ကျည်ဆံဖိုးတွေ ထပ်မဖြုန်းပါနဲ့
ပေါင်မုန့်တစ်လုံးလောက် ၀ယ်ပေးပါ…” 

 By - Aung Oo

ဘယ်သူရေးမှန်းတော့မသိဘူးဗျာ အောင်ဦးလို့တော့ ရေးထားတာပဲ.. စာသားတွေကိုကြိုက်လို့ 

ကူးပြီးတင်လိုက်ပါတယ်.. ကဗျာရှင်လည်း ကျေနပ်လိမ့်မယ်လို့မျှော်လင့်ပါတယ်..

အောက်ကလင့်ကနေယူတာပါ..။

https://www.facebook.com/photo.php?fbid=4075015608487&set=a.1077666436631.10969.1675360905&type=1&theater 

မျက်ရည်အမိန့်တော်

မိုးရွာတာမဟုတ်ဘူး
ငိုနေတာ..။

(ငါရဲ့)
ခံစားချက်
မျှော်လင့်ချက်
အခိုးအငွေ့တွေပါကွယ့်..။

ကောင်းကင်ထက်
ငွေ့ရည်ဖွဲ့ပြီး
ရွာပလိုက်တာ..။

ငိုကြွေးခြင်းနဲ့စတင်ခဲ့တဲ့လူ့ဘ၀
မြေကြီးထဲမရောက်ခင်စပ်ကြား
အားပါးတရ ငိုလိုက်ဦး..။

ကျရှုံးလို့ ..........ဆိုဆို
မုန်းတီးလို့ ........ငိုငို
ဟန်ဆောင်ပဲ.....ပိုပို
ချစ်လို့ .... ပစ်လို့
ခွဲခွာလို့ ... နာကျင်လို့
ဘယ်လိုပင်ဆိုစေတော့

သူတို့တွေ၏
တစ်ခုတည်းသောရလဒ်
(သည်) မျက်ရည်စက်ကလေး
ပါးပြင်ထက်..
လွတ်လပ်စွာ သက်ဆင်းစေ..။

စည်သူ
၅၊မေ၊၂၀၁၀

မာနနံ့လှိုင်တဲ့ဝါးစိမ်းပင်

ရှာရခက်တဲ့မေတ္တာ
ငွေပေးဝယ်ရတဲ့စေတနာ
သုံးစားမရတဲ့ကျေးဇူးစကားတွေ..။

ခြုံငုံပြီးကြည့်ပေါ့
စေတနာဟာငါ့အတွက်
ရောင်ပြန်တော့မဟပ်
ပဲ့တင်ထပ်လာတဲ့အသံတွေချည်းလေ
မျက်ရည်နဲ့ဖြေမလား..။

မတန်တဆပေးဝယ်ရတဲ့ပစ္စည်းလို
တစ်နုံ့နုံ့ဒေါသတွေပိုရမလား
တစ်ဖြည်းဖြည်းသိလာသလိုပါလေ..

ငါဟာ..
သုညကြွင်းတဲ့တည်ကိန်းကွယ့်..
လေနှင်ရာယိမ်းရမဲ့ဝါးစိမ်းကွယ့်..
ကိုယ့်ဆန္ဒကိုယ်မပိုင်
မာနရနံ့တွေလှိုင်နေပေါ့လေ

မှန်ကင်းဖြစ်ရင်စံမယ်..
ထင်းဖြစ်ရင်လည်း
ပြာထဲကျန်ခဲ့ရတာပေါ့ကွယ်..။

ယုံကြည်ချက်.. မျှော်လင့်ချက်
အသွေးအသားထဲစီးဝင်ပျံ့နှံ့လို့..
ဒီအတွက်
ငါ ဆက်ရှင်သန်ရဦးမယ်..။

ဘယ်လိုကြောင့်ဖြစ်ပါစေ..
ငါ့စိတ်ဝိဥာည်
မသေစေရဘူးကွယ်..။

စည်သူ
၂၀၁၀

သခင်သို့တမ်းချင်း

ဘ၀တစ်ခု..
အစပြုကတည်းက
ဒီလိုတစ်နေ့
တွေ့လာလိမ့်မယ်ဆိုတာ
ကြိုသိပြီးသားပါ... သခင်။

ဒါပေမယ့်
မထင်မှတ်တဲ့ခဏ
ပျော်လို့တောင်မ၀သေးခင်
အရင်ဆုံးပြိုခဲ့တာ
ကျွန်တော့်ကမ္ဘာကြီးပါ။

ရင်အနာဆုံးက
သခင်ပျော်ရွှင်
အောင်ပွဲဆင်တဲ့နေ့
ကျွန်တော့်သေနေ့စေ့ခဲ့ရပြီ။

တရားသလား.. သခင်ရယ်..
သခင်ရယ်.. သခင့်မိသားစုရယ်
ပျော်ရွှင်တဲ့တဒင်္ဂ
ကျွန်တော့်ရင်.. ကွဲခဲ့ရတာလေ။

ကလေးတစ်ယောက်ကတော့
ပြောပါရဲ့..။
ကျွန်တော့်ကိုကြည့်ပြီး
သနားသတဲ့..။

ကျွန်တော့်အတွေး
မဆုံးသေးခင်
မြင်လိုက်ရတာ..
ကျွန်တော် မြင်လိုက်ရတာ..
အား.........
...........................
လက်ထဲမှာဓားကြီး
ကျွန်တော့်လည်ကိုလှီးပြီပေါ့။

ဒီခံစားချက်ဘယ်သူမှ
မှတ်ကျောက်တင်နိုင်ခဲ့ပုံမရ..

ဒါပေမယ့်
တစ်သက်မှာတစ်ခါ
ကြုံကောင်းလို့ကြုံလာမယ်ဆိုရင်တော့
ယုံကြလိမ့်မယ်ထင်တယ်..။

အသင်ကြုံမကြုံမသိ
ကျွန်တော်တော့ယုံလိုက်ပြီ..။

စည်သူ
၁၊ဇန်န၀ါရီ၊၂၀၁၀

အတိတ်ရဲ့ရနံ့ဟောင်းများ

မတူးဆွချင်ဘူး
အတိတ်ကရနံ့
လွင့်ပျံ့တဲ့ဒဏ်ရာ
သည်မှာ ခံစားရခက်လှတယ်..။

         အမှတ်မထင်
         ပတ်ဝန်းကျင်အဟောင်းထဲလွင့်မိခိုက်
         အလစ်အငိုက်မိ
         ချောင်ပိတ်အဖိခံခဲ့ရ
         အတိတ်ကရနံ့
         လွင့်ပျံ့တဲ့ဒဏ်ရာ။

အတိတ်ကအဖြစ်အပျက်
ပြင်ဖို့ခက်လှတယ်..
ရာသီဆိုး..
ရင်ခွင်ကိုတိုးတဲ့နေ့
ဘယ်လိုမေ့ဖျောက်ပစ်ပါ့မလဲ
ရင်ခွင်မှာတစ်လှပ်လှပ်
အထပ်ထပ်တသသဖြစ်အောင်
တူးပဲတူးဆွနိုင်လွန်းတယ်..။
အတိတ်ကရနံ့
လွင့်ပျံ့တဲ့ဒဏ်ရာ..။

စည်သူ
၁၊နိုဝင်ဘာ၊၂၀၁၃

ကောင်မလေးရေ

အဝေးက....
ရထားကြီး                                    ခုတ်မောင်းသွားသံက
ငါ့ရင်ထဲ                                              ၀င်လာသလိုပဲ..

                                                                ကောင်မလေးရေ..
                                                                 ပြောတတ်လွန်းလိုက်တာ
                                                                  တို့နှစ်ယောက်အရင်က
                                                                 ထားခဲ့ကြသံယောဇဉ်
                                                               နင်လာတဲ့လမ်းတစ်လျှောက်
                                                          ကျပျောက်ခဲ့လေသလား။

                                                      ကောင်မလေးရေ..
                                                                 မေ့တတ်လွန်းလိုက်တာ
                                                                            တို့နှစ်ယောက်တူတကွ
                                                                                  ပျော်ခဲ့ကြနေ့လေးတွေ
                                                                                   သတိရတဲ့ခဏ
                                                                                   ပြန်စဉ်းစားကြည့်စမ်းပါ။

                                                                                 ကောင်မလေးရေ..
                                                                            ရထားကြီးကဝေးသွားပြီ
                                                                        ငါ့ရင်ထဲမှာတော့
                                                                  ရထားခုတ်မောင်းသံ
                                                          (ခုထိ)  ဆူညံနေတုန်းပဲ..။

စည်သူ
ဇူလိုင်၊၂၀၀၉

သစ္စာဖောက်

အေးအတူပူအမျှ
တူတကွလမ်းလျှောက်
အတော်လေးခရီးပေါက်ခဲ့ကာမှ
နောက်ကြောကိုဓားနဲ့ထိုးသတဲ့..။

မဆန်းပေမယ့်
မရိုးတဲ့ဇာတ်လမ်းအဖြစ်
သမိုင်းတွင်မကျန်ရစ်တောင်
ငါ့ရင်မှာတစ်ဆစ်ဆစ်..
ဘယ်တော့မှမေ့မပစ်ဘူး..။

မင်းအတွက်တော့ဘယ်လိုမှ
မထူးခြားခဲ့ပေမယ့်..
ငါ့မှာတော့မြေမှာလူး
ရူးခဲ့ရတယ် သူငယ်ချင်းရယ်..။

ဖြေနိုင်စရာမရှိ
သတိလွတ်ခိုက်တစ်ချက်မှာ
မင်းသတ်လို့ ငါသေခဲ့ရတယ်။

ဖြစ်သူအသစ်.. ပြုသူအဟောင်း
ပြန်ပြောင်းကာတွေးတိုင်း
ရင်ခွင်မှာလှိုင်းထ
အလှည့်ကျက မနွဲ့ကြစတမ်း
ငါပွင့်မယ့်ပန်းရိုင်း..
မင်းနမ်းကြည့်လိုက်..။

ရင်ခွင်မှာညို..
ငါ့ကမ္ဘာပြိုခဲ့တဲ့နေ့ကို
ငါ ဘယ်တော့မှမမေ့ဘူး..။

စည်သူ
၃၀၊စက်တင်ဘာ၊၂၀၀၉