အိပ်စက်ပါရစေ
- တိတ်တဆိတ်.. တိတ်တိတ်လေးနဲ့
ကိုယ့်အတွေးကိုယ်ပြန်မျို
ကိုယ့်အိပ်မက်ထဲ
ကိုယ်ဟာဘုရင်ဖြစ်နေတော့တယ်..။
- ဆန္ဒတွေဟာ
ကိုယ့်ရင်ဘတ်ထဲ.. လင်းလို့
အေးခနဲ.. နွေးခနဲ.. သိမ့်ခနဲ..
- အပြုံးခါးခါး၊ အမုန်းချိုချို
ရက်စက်ခြင်းအမှန်တရား
လူတိုင်းလက်ခံထားတဲ့အမှားတွေကြား
- ယုံကြည်ခြင်း သံသယဓားစာခံခမျာ
အပိုစေတနာတွေနဲ့
အပ်ကြောင်းထပ်ကျေးဇူးတွေ
ရင်နင့်လွန်းနေလို့
ဒီညအတွက်
ဝေဒနာတစ်ခွက်ဆိုလုံလောက်ပြီ..
မနက်ဖြန်
မြွေထက်ဆိုးတဲ့အပြုံးတွေကိုရင်ဆိုင်ဖို့
ရဲရင့်ရဦးမယ်..။
စည်သူ
ဇန်န၀ါရီ၊ ၂၀၁၄
ဆွံ့အခြင်းဆိုတဲ့ကဗျာနဲ့ပတ်သက်လို့..
အိမ်ကိုလမ်းလျှောက်ပြန်လာရင်း .. သားအမိသုံးယောက်ကို ကုန်းတံတားအောက်နားမှာတွေ့လိုက်ရတယ်.. အမေဖြစ်သူပုံစံကြည့်ရတာ လောကဓံအထုအထောင်းတော်တော်ခံထားရပုံပဲ
တစ်နေရာကို တွေတွေကြီးငေးကြည့်နေတယ် .. သူ့ရဲ့ကလေးနှစ်ယောက်က တော့ ဒီအပူအပင်တွေကို သိဟန်မတူပါဘူး ပြေးဆော့နေကြတယ်.. သူတို့လေးတွေ မနက်ဖြန်ဆိုတာရော တွေးမိရဲ့လား.. သူတို့အကြောင်းတွေးရင်း ကိုယ့်အိတ်ကပ်ထဲ ပြန်စမ်းကြည့်မိတော့ ကိုယ့်ကိုယ်ကိုယ် ပြန်သနားသွားမိ ပြန်ပါတယ်..။
No comments:
Post a Comment