ရှာရခက်တဲ့မေတ္တာ
ငွေပေးဝယ်ရတဲ့စေတနာ
သုံးစားမရတဲ့ကျေးဇူးစကားတွေ..။
ခြုံငုံပြီးကြည့်ပေါ့
စေတနာဟာငါ့အတွက်
ရောင်ပြန်တော့မဟပ်
ပဲ့တင်ထပ်လာတဲ့အသံတွေချည်းလေ
မျက်ရည်နဲ့ဖြေမလား..။
မတန်တဆပေးဝယ်ရတဲ့ပစ္စည်းလို
တစ်နုံ့နုံ့ဒေါသတွေပိုရမလား
တစ်ဖြည်းဖြည်းသိလာသလိုပါလေ..
ငါဟာ..
သုညကြွင်းတဲ့တည်ကိန်းကွယ့်..
လေနှင်ရာယိမ်းရမဲ့ဝါးစိမ်းကွယ့်..
ကိုယ့်ဆန္ဒကိုယ်မပိုင်
မာနရနံ့တွေလှိုင်နေပေါ့လေ
မှန်ကင်းဖြစ်ရင်စံမယ်..
ထင်းဖြစ်ရင်လည်း
ပြာထဲကျန်ခဲ့ရတာပေါ့ကွယ်..။
ယုံကြည်ချက်.. မျှော်လင့်ချက်
အသွေးအသားထဲစီးဝင်ပျံ့နှံ့လို့..
ဒီအတွက်
ငါ ဆက်ရှင်သန်ရဦးမယ်..။
ဘယ်လိုကြောင့်ဖြစ်ပါစေ..
ငါ့စိတ်ဝိဥာည်
မသေစေရဘူးကွယ်..။
စည်သူ
၂၀၁၀
No comments:
Post a Comment