နှုတ်ခမ်းခါး
အနက်အဓိပ္ပာယ်
ဘယ်နှစ်မျက်နှာ ဖွင့်မလဲ..
ဓားသွားနှုတ်ခမ်းပါး
နှလုံးသားမှာဟက်တက်
မနှစ်သိမ့်နဲ့..
ကြုံဖူးမှ ကြေကွဲတတ်မယ့်ကိစ္စ..။
ခေတ်အဆက်ဆက်
မျက်စောင်းတစ်ချက်
နှုတ်ခမ်းပါးတစ်စုံနဲ့
သမိုင်းတောင်ပြောင်းခဲ့သေးတာပဲ။
ပင်လယ်ရေငန်..ချိုချင်ချိုလာမယ်
အဲသည့်..နှုတ်ခမ်းတစ်စုံ
ငါ့အတွက် ဘယ်တော့မှမချိုခဲ့
မျက်စောင်းတွေတစ်သီကြီးနဲ့
ခါးခါးသီးသီး..
နာနာကျည်းကျည်း..
ရင့်ရင့်သီးသီး..
နားလည်လိုက်မိသလိုပဲ..
ငါဟာ..
နှင်းဆီကို မခူးတတ်သေးလို့
လက်မှာဆူးဒဏ်ထိခဲ့တဲ့
ပန်းကြိုက်သူပေါ့..။
စည်သူ
12.2.2011
ဆွံ့အခြင်းဆိုတဲ့ကဗျာနဲ့ပတ်သက်လို့..
အိမ်ကိုလမ်းလျှောက်ပြန်လာရင်း .. သားအမိသုံးယောက်ကို ကုန်းတံတားအောက်နားမှာတွေ့လိုက်ရတယ်.. အမေဖြစ်သူပုံစံကြည့်ရတာ လောကဓံအထုအထောင်းတော်တော်ခံထားရပုံပဲ
တစ်နေရာကို တွေတွေကြီးငေးကြည့်နေတယ် .. သူ့ရဲ့ကလေးနှစ်ယောက်က တော့ ဒီအပူအပင်တွေကို သိဟန်မတူပါဘူး ပြေးဆော့နေကြတယ်.. သူတို့လေးတွေ မနက်ဖြန်ဆိုတာရော တွေးမိရဲ့လား.. သူတို့အကြောင်းတွေးရင်း ကိုယ့်အိတ်ကပ်ထဲ ပြန်စမ်းကြည့်မိတော့ ကိုယ့်ကိုယ်ကိုယ် ပြန်သနားသွားမိ ပြန်ပါတယ်..။
No comments:
Post a Comment